RetroGeekaDriod # 2:Anime!

My take on classic games, toys,anime, movie,cartoons, TV show or anything under the geekdom universe
Badass Anime!
Ngayon ay irereview ko ang mga anime na umuusok sa kaastigan. ilan lamang ito sa mga naalala ko at napanood kong super astig na anime na naipalabas din locally dito sa Pilipinas.

1.Trigun 1998 (TV Tokyo/26 episode)
Story...4/5
tungkol ito sa isang misteryosong lalaki na may pangalang "Vash the Stampede" at nang dalawang kulokoy na ahente ng isang insurance company na sa hindi sinasadyang pagkakataon ay madalas silang pinagtatagpo.
ang sadya ng dalawang ahente na sina Meryl Stryfe at Milly Johnson hanapin si "Vash the Stampede" at pigilan o bawasan ang pagkawasak na dinadala niya sa bawat lugar na kanyang pupuntahan.
sa kalagitnaan ng series ay malalaman na si "Vash" ay may amnesia at kaya siya nagkaroon ng malaking patong sa ulo na nagkakahalaga ng 60 mil double dollar ay dahil sa participation niya sa pagkasira ng isang siyudad.
makakasama niya rin dito ang paring astig na si Nicholas Wolfwood.
Humor...5/5
bagamat seryoso at may pag kadark ang tema ng palabas ay riot pa din ito sa katatawanan courtesy ni Vash.

Animation...4/5
maganda ang character design lalo na si Nicholas at Vash (dalawa sa paborito kung character design sa series) at astig na astig kung ako ang tatanungin. maganda rin ang pagkakagawa ng mga animated fight scene nila at hindi boring kung panoorin.

Music...3.5/5
gustong gusto ko ang opening theme nila na puro guitar riff lang. swak at swabe din sa pandinig ang soundtrack nito. akmang akma sa tema nilang western/cowboy.

Overall..4/5
kung paastigan at katatawanan lang tiyak na mageenjoy kayo sa panonood ng Trigun. ipinalabas ito sa GMA 7 ng ilang beses at sikat ito noong mga early 2000 kaya malamang ay marami nakakaalam nito. pero mas gusto at mas recommended ko ang american version kasi mas mapangahas at hindi nila nag-tone down sa violence at naughtiness ng palabas. 


2.Hell Teacher Nube 1996 (TV Asahi/48 episodes)
Story...3.5/5
isang homeroom teacher sa isang eskwelahan si Nube ngunit lingid sa kaalaman ng marami siya ay isa ring parang albularyo o exorcist sa kanilang lugar at dahil na rin sa tulong ng naka-sealed na demon sa kanyang kamay ay isa siya sa pinakamalakas ng exorcist.
kada episode ay mayroon siyang kalabang nilalang ng kadiliman na natatalo rin niya sa huli. kadalasang nagiging biktima ng mga nilalang na ito ay ang mga estudyante o di kaya ay mga mamamayan na naninirahan sa bayan ni Nube at dahil sya ang resident "Ghostbusters" ng kanilang lugar madalas siyang mapasubo sa trobol.

Humor...5/5
bagamat demonyong teacher si Nube. hindi siya yung kakainisan mo. kwela at nakakatawa ang mga episode ng Nube lalo na ang interaction niya sa mga student niya at ang mga advances niya sa mga babae na minsan ay nauuwi sa kapalpakan at katatawanan.

Animation..3.5/5
luma na ang Hell teacher Nube kaya maituturing na inferior siya sa mga bagong anime ngayon pero kung panonoorin mo siya ay hindi naman si ganun kapangit in terms of animation desente at malinis ang pagkakagawa at maihahanlintulad ko siya sa animation ng ghost fighter.
Music...2/5
hindi ko trip ang soundtrack at ang opening theme ng HTN. tunog pambata at para sa akin ay nakakairitang pakinggan. tunog kaluluwang hindi matahimik. mas gusto ko ang theme nila pag seryoso na at parang tunog nakakatakot talaga.

Overall... 3.5
ito ang literal na demonyong teacher!
una ko itong napanood noong kasagsagan ng anime revolution ng GMA 7 at isa siya sa mga pinapanood kung anime noon. siya lang ata ang teacher na hindi kontrabida sa buhay ng kanyang estudyante. cool at kwela ang palabas at kapupulutan din ng aral ang bawat episode nito at kung paastigan lang naman eh san ka nakakita ng teacher na super like ng mga student niya at kinatatakutan ng mga demonyo.


3.Crayon Shin-Chan 1992 (TV asahi/800 plus episodes)
Story...3/5
istorya ito ng isang 5 taong gulang na batang nagngangalang Shinnosuke Nohara at kanilang pamilya. umiikot ito sa day to day living ng kanilang pamilya na pinakukwela ng kanilang anak na si Shin.

Humor...5/5
Super kuwela! kung yung tagalog dub nito ay nakakatawa na mas lalo na kung makakapanood ka ng english sub nito. riot sa kalokohan ang batang ito. sa pagkapilyo niya at mga commentary na minsan ay out of this world tiyak naman na matatawa ka. sulit sa katatawanan ang bawat episode. 

Animation...2/5
pangit ang animation at parang walang ka effort -effort ang gumawa nito pero dahil sa ganda ng palabas at riot na katatawanan hindi mo na ito mapapansin at mahook ka nalang nang hindi mo namamalayan

Music...2/5
Parang tunog sa isang slapstick comedy flick ang soundtrack nito na sa tingin ko ay nagblend ng maayos sa pagiging kwelang bata ni shin-chan at isa pa hindi mo na ito papansinin at ifofocus na lamang ang mga tenga at mata sa mga kalokohang sasabihin ni Shin-Chan.

Overall...3/5
Akalain mong naka 800 episode pala to sa japan at ang tanging alam lang natin na version nito ay ang version ng IBC 13 at Dub ni Adrew E. sa haba ng series na ito ay malamang na indication ito na maganda ang series at hindi katulad nating mga pilipino na itinuturing na imoral ang mga ginagawa ni Shil-Chan ang mga hapon ay itinuturing itong super kwelang palabas. kaya kung medyo nauumay ka na kay Bart Simpsons at sa paulit ulit na kwento ng mga Basurang teleserye sa tv eh Crayon Shin-Chan ang sagot dyan.


4.Code Geass 2008 (TBS/50 episode)
Story...5/5
ang setting nito ay ang hinaharap kung saan ang Holy Britannian Empire nasa rurok na ng tagumpay sa pagsakop sa buong mundo. naka sentro ang istorya sa Japan na sakop ng Holy Britannian Empire at sa bidang si Lelouch isang exiled prince at may galit sa emperyo dahil sa pagkamatay ng kanyang ina. sa di inaasahang pagkakataon at sitwasyon ay nabigyan ng kapangyarihan si Lelouch na kontrolin ang isang tao sa kung ano man ang gusto niya. ang kapangyarihang ito ay tiunatawag na Geass.
dahil sa kapangyarihang taglay at angking talino at likas na pagkamuhi sa emperyo ay nagsimula ng sistematikong rebolusyon si Lelouch gamit ang katauhang  tinatawag na Zero at naging lider siya ng rebelde.

Humor...2/5
seryoso, high-octaine action pack anime ito at tono ng social and political reform ang kadalasang sentro ng bawat episode. bagamat mayroong mga feel-good episode ang Code Geass simpleng distraction o break lamang ito sa pagiging seryoso ng palabas.
Animation...5/5
fast paced at talaga namang maganda ang mga sequence at animation ng Code Geass. Action kung action at hindi sila na pahiya sa pagdeliver nito sa mga viewer.

Music...3/5
hindi ko masyadong gusto ang Opening theme ng R1 at R2 pero hinahangaan ko ang soundtrack nito. bagay at sakto sa emotion ng mga eksena.

Overall...3.5/5
nationalist sentiment at napapanahong social at political commentary ang isa sa mga gusto kung elemento ng palabas. isama mo pa ang pagkakaroon nito ng Thriller factor at ang mga mecha-action scene nito. kinuconsider kong isa sa mga paboritong anime. dahil sa pagiging astig na tactician si Zero/Lelouch at astig naman na Knightmare (Mecha) pilot si Kururugi at ang tema ng good vs bad mas naging exciting at kapanapanabik ang bawat episode nito. maitutring kung isa sa mga greatest rivalry ang Zero vs Kururugi at kung iisipin mo ay para silang si batman/joker o Amuro/Char ng gunndam. isa ito sa mga must-see anime at for sure hindi ka mabobored dito.


5.One Outs 2008 (NTV/26 episode)
Story...5/5
SI Toua Tokuchi ay isang bihasang pitcher sa sugal na tinatawag na "one out" isang araw hinamon siya ni Kojima na itinuturing na isang Legendary batter sa Pro-Baseball league. natalo si Kojima sa una nilang paghaharap ngunit nakabawi si Kojima sa pangalawa na naging dahilan upang makumbinsi si Tokuchi na sumali sa Pro-team ni Kojima na Lycaons.
binigyan siya ng "one out" contract ng team na ia sa usual na contract pero dahil narin sa pagiging tuso at pagiging manipulator ni tokuchi nagawa niyang ibaon sa utang ang owner ng team dahil sa pag exploit sa pagiging ganid nito.

Humor...2/5
para sa akin ay dark humor tema ng palabas kahit kadalasan ay seryoso ang takbo ng istorya ay minsan din naman hindi sinasadyang nakakatawa ang mga pangyayari.

Animation...4/5
maganda at semi-realistic ang pagkakadrawing sa mga character at dahil bago pa ito ginawa superior ang quality ng animation nito at mabilis. pinaka astig para sa akin ang character design ni Toua Tokuchi na may resemblances sa isang tusong demonyo.

Music..4/5
nice opening song! pero to be honest ansagwa ng lyrics ng kanta. bakit kaya pinipilit ng mga hapon na gumawa ng english lyrics at bara bara pa. nakakatawa tuloy basahin pero ang opening na ito ay maganda pakinggan. bagay at swak din ang soundtrack ng series sa mga eksena na nakakadagdag para mas maramdaman mo ang emosyon na gustong i-relay ng palabas sayo.

Overall...3.75/5
bagamat ang konsepto ng baseball ay hindi malinaw sa akin ay hindi naman doon umiikot ang kwento. nagsilbi lang go-point ng istorya ang baseball pero ito ay tumatalakay sa pagkaganid ng tao. na madalas na ini-exploit ni Tokuchi. thrilling at interesting ang bawat episode at for sure kung medyo mature ka na ay maeenjoy mo ang anime na to. dahil sa palabas na ito naging fan ako ng mga gawa ni Shinubo Kaitani na kilala sa series niyang Liar game.
Enhanced by Zemanta

Comments

Post a Comment

Popular Posts