Inside My Head # 18:Langit o impyerno?

Featured Article about everything that might stimulate my brain into typing something

Langit o Impyerno?

 

Inilarawan sa bagong libro ni Dan Brown na Inferno na ang maynila daw ay Gates of Hell.

Ang mga diskripsyong ito ay nakapagpainit sa tumbong ng mga opisyal ng gobyerno at maging mga pangkaraniwang tao. Sinabi pa nga ni Chairman Tolentino na hindi inferno ang manila kundi an entry to heaven daw. Halos lahat ng mababasa mo o mapapanood sa TV ay puro batikos sa ginawa ni Dan Brown sa imahe ng Maynila.

Mapa facebook,tambayan o kahit sa bookstore maririnig mo ang panggagalaiti n gating mga kababayan sa sinabing ito ni brown. Maging ako ay nagalit, pero ng mahimas masan ako at akoy napa isip tinanung ko sa sarili ko ito:

ang tanong eh mali ba si Brown sa kanyang description ng manila?

 

Ang mga nagsasabi bang mali si Brown ay nakapaglibot na sa manila at

kahit saglit lang ay umalis sa comfort ng kanilang mga subdivision,mansion o mga magagarang sasakyan para tanawin at libutin ang kalakhang maynila?

Bakit ang ibang mga siyudad tulad ng New York, LA, London, Berlin ay Tokyo na kapag naging topic o diniscribe sa hindi magandang paraan ang kanilang siyudad ay hindi nagagalit?

O isa na naman itong pagiging balat sibuyas natin?

 

Sign ba ito ng pagiging makabayan o O.A lang tayo?

Para sa akin ay hindi masamang magalit o magdamdam sa mga sinabi lalo na sa ating mahal ng lungsod, Natural lamang ito. Pero hindi bat mas maganda kong aminin natin ang ating pagkukulang at itama ito kaysa gumawa ng isang ilusyon na tayo ay perpekto? Isipin natin na kaya tayo pinupulaan kasi may mali sa atin. Wag tayong makipag matigasan at ipagpilitan na “Entry to Heaven” ang manila. Kung ipipilit natin ang baluktot na katwiran na ito hindi tayo aasenso and beside kaya naman sila todo depensa ay dahil sa malaking pagkukulang nila sa pagsasa-ayos ng ating siyudad o di kaya ay bulag ang mga ito at hindi nakikita ang tunay na kalagayan ng ating bansa.

 

Ikot ikot din kasi sa manila at wag lang sa Makati,fort at mga exclusive subdivision mag stay.