Inside My Head # 17:Pinoy at ang Hoops

Featured Article about everything that might stimulate my brain into typing something

Pinoy at ang Hoops

Basketball, isa sa pinakapopular na laro dito sa pilipinas. Lahat yata eh naka experience na timindig sa gitna ng court habang tirik ang araw at sinusubukang papasukin ang bola sa ring. Matanda, bata, babae, lalaki, tomboy,bading maging yung may kapansanan ay nasabukang tumira ng bola papapuntang ring. Halos lahat ng pinoy ay may “courtside memory” na matatawag. Marami sa atin ay dito nakilala ang ating mga crush, napaaway, napahiya, naging hero, sumikat, yumaman at kung ano anu pang kwento. Basta pinoy merong kwento sa buhay na maaring involve ang basketball.

Simula ng mabasa ko ang libro ni rafe bartolomew na “The Pacific Ring” na realize ko kong gaano kalalim ang laro ng basketball sa buhay ng tao dito sa pilipinas. Nakakatuwang isipin na sa mata ng isang dayuhan ay makikita nya ang basketball ay hindi lamang parte ng ating kultura. Ito ay maituturing ng normal o parte na ng ating araw araw na buhay.

Isa akong avid fans ng basketball. Mapa NBA,PBA o local collegiate league man yan siguradong papanoorin ko yan. Nagsimula ang kaadikan ko sa larong ito noong ako ay grade 2. Kasikatan noon ni Michael Jordan at ng Chicago bulls. Sa local naman ay namamayagpag ang Alaska ni johnny Abbarientos at sikat na sikat si Alvin Patrimonio. Na curious lang ako noon dahil madalas manood ang erpat ko ng basketball. Bukod sa laban eh inaantay nya rin yung ending. Lahat sila eh parang tensyonado n pag 4^th quarter. Naging parang exciting at interesante ang laro sa akin kaya dumalas na ang panonood ko noon. Kung dati ay 2^nd game lang ang pinapanood namin eh pati first game eh pinatos ko na rin. Lalo akong naadik nang matuto akong maglaro. Nagsimula na kaming magpayabangan ng mga moves sa laro. Lalo pang dumalas ang panonood ko ng game. Lalo na ng NBA kung saan ay ginagaya namin ang mga moves nina Jordan, Pippen, Penny Hardaway at grant hill. Dahil halos lahat ng sulok ng village naming eh may court naging madali sa akin ang matuto at magsanay. Sa kaadikan ko at sa dalas kong maglaro ay nakilala ko ang maraming bata, dumami ang tropa ko dahil sa basketball. Pero hindi lahat ng istorya sa loob ng court eh ika nga good. Madalas kaming napapaaway dahil nagkakapikunan, nagkakabalyahan at madalas dahil sa trash talk. Minsan naman eh may na iinjured. Kung minsan susugod ang nanay at pagsasabihan lahat kami na layuan na ang anak nya dahil palagi nalang nababalian. nakakatuwang isipin na sa simpleng laro na ito maraming pinaglalapit at marami din ang pinag aaway.

Ang basketball ay maituturing kong “sex” namin noon. Bakit ko naihambing ang basketball sa sex? Kasi tulad ng sex kailangan mong idaan muna sa foreplay at ang foreplay namin eh ang pagkwentuhan ang mga moves na ginawa ni Jordan o hill sa nakaraang laban. With matching demonstration pa yun kong papano ginawa. Dahil dyan maa ”arouse” kami at mananabik na makapaglaro. Hindi na kami makapag antay na magawa sa actual na laban ang mga moves na yun at dahil dyan tutuksuhin naming ang isat isa sa isang match whether its 2 on 2 or whole court hindi mahalaga basta maglalaro. Papagurin namin ang aming mga sarili, pag iigihan ang depensa at gagalingan ang shooting upang marating ang rurok o climax at yun ay walang iba kundi ang manalo. Feeling na namin nun ay kami ang MVP pag naipanalo namin ang aming team. Nakakatuwa ang paghahambing pero me katutuhanan ito pagkat bago pa man sakupin ng makamundong pagnanasa ang utak ng isang batang lalaki ay thoughts of basketball muna ang umuukopa nito.

Dahil sa pagka adik nating mga pinoy sa basketball ay para itong nakakabit sa ating mga DNA na hindi man natin ipilit sa ating mga anak o sarili ay kusa nilang natututunan at nagugustuhan. Isang manifesto ng pag ibig ng pinoy sa larong ito at ang pagkakaroon ng basketball ring sa halos lahat ng sulok  ng pilipinas. Animoy parang dambana ito ng mga kalalakihan kung saan ay halos tuwing umaga o hapon ay puno ng gustong maglaro. Tiyak akong marami sa ating mga lalaki ang nangarap noong kabataan natin na makapaglaro sa la salle at sa kalaunan ay maging PBA player. Ang iba ang target NBA. Sure akong marami sa inyo ang nag ka GF ng dahil sa paglalaro sa isang liga sa barangay nyo. At malamang ang iba ay nagkatuluyan pa ng dahil sa basketball. Marami sa atin panigurado ang nakatutok sa NBA tuwing finals. nasa school ka man o nasa opisina tiyak akong nagtatanungan kayo ng kung  ano na ang score. Lahat halos yata ng pamilya dito sa pilipinas ay tumaya ng ending at nanood ng sama sama ng basketball dahil dito at marami narin ang sumikat dahil sa sport na ito. Ang iba ay naging local hero, naging sikat sa probinsya nila, ang iba ay naging propesyonal at ang iba naman ay naging artista o pulitiko dahil sa paglalaro nito.

Hindi maitatanggi na parte na ng pagiging pinoy ang basketball. Sabi nga ng author ng the pacific rim dahil sa kasikatan ng basketball sa pilipinas ay maging ang mga local o international na business ay ginagamit na panghalina o inilalakip sa kanilang mga commercial ang laro kahit walang kinalaman. Ganun kalakas ang impact ng basketball na kahit ang business dito sa pilipnas ay naaapektuhan nito. Isa nalamang magandang example nito ay ang walang iwanan ad ni kobe Bryant para sa Lenovo. Wala itong kinalaman sa quality o produkto pero upang makuha ang ating atensyon ay inendorso ito ni kobe na sikat dito sa pilipinas.maging sa pulitika ay may impluwensya din ang larong ito. Mananalo ba sina Jaworski, Guiao, Dodot etc. sa kanilang tinakbuhan nilang posisyon kung hindi sila naglaro at nakilala sa basketball? Malamang hindi, isang magandang explanation dito ay dahil popular ang basketball at sila ay mga popular na tao sa mundo nito. Naging madali sa tao namaalala sila at ventually iboto upang mahalal.

Ang basketball ay hindi lamang institusyon para sa ating mga pinoy kundi ito ay parang importanteng parte na ng katawan natin.  Mamamatay ang ating pagkakakilanlan kung ito ay mawawala. Good man o bad ang mga kwento natin tungkol sa larong ito o naimpluwensyahan man tayo nito sa tama o mali. Isa lang ang sigurado bawat pinoy ay may kwentong court side. Lahat tayo one way or the other ay naging parte ng mga kwento sa loob man o labas ng court o marahil naging parte ng kwento ng buhay natin ang larong basketball.